مائکرو بلاگنگ ویب سائٹ ٹوئٹر کے مالک ایلون مسک نے سال 2023 کے موقع پر صارفین کو بتایا کہ جلد ہی پلیٹ فارم پر مواد کی تلاش کو بہتر بنانے سمیت پروفائل کی تصویر کو بہتر انداز میں رکھنے سمیت متعدد فیچرز متعارف کرائے جا رہے ہیں۔
حال ہی میں ٹوئٹر پر ’ویو‘ فیچر کو متعارف کرایا گیا تھا، جس کے تحت اب ہر صارف کو اپنی ٹوئٹ دیکھنے یا پڑھنے والے افراد کی تعداد بھی معلوم ہوجاتی ہے اور یہ فیچر پہلے صرف ویڈیوز میں آتا تھا، اب ہر ٹوئٹ پر اسے ایڈ کردیا گیا۔
اسی طرح اب ایلون مسک نے متعدد نئے فیچرز پیش کرنے کا اعلان کرتے ہوئے بتایا کہ نئے فیچرز کو جنوری میں ہی پیش کیا جائے گا۔
New Twitter navigation coming in Jan that allows swiping to side to switch between recommended & followed tweets, trends, topics, etc.
Until then, tap stars icon on upper right of home screen to switch.
— Elon Musk (@elonmusk) December 30, 2022
انہوں نے اپنی ایک ٹوئٹ میں بتایا کہ پلیٹ فارم پر مواد یا پسندیدہ ٹوئٹ کو تلاش کرنے یا پھر اپنی مرضی کے افراد کی ٹوئٹس دیکھنے کی خواہش رکھنے والے افراد کے لیے بہترین فیچرز پیش کیے جانے والے ہیں۔
انہوں نے بتایا کہ ٹوئٹر پر جلد ہی نیوی گیشن فیچر متعارف کرایا جائے گا، جس کے تحت صارف اپنی اسکرین کو ایک سے دوسری جانب دائیں اور بائیں سوئپ کرکے اپنے پسندیدہ مواد تک پہنچا جا سکتا ہے۔
Twitter has a bookmark function accessible through share button on tweet.
To read bookmarks, tap profile icon.
This obscure UI will be fixed in Jan.
— Elon Musk (@elonmusk) December 31, 2022
اس فیچر کے تحت ٹوئٹر کی ہوم نیوزفیڈ متعدد حصوں میں تقسیم ہوجائے گی اور صارف آئیکون یا اسکرین کو سوئپ کرکے ٹاپ، لیٹسٹ اور ٹرینڈنگ ٹوئٹس تک رسائی حاصل کرسکیں گے۔
یہاں یہ بات قابل ذکر ہے کہ اس وقت ٹوئٹر کی ہوم نیوز فیڈ پر صرف ایک ہی طریقے کے تحت مواد کو دیکھا جا سکتا ہے۔
Easy to create folders to bookmark tweets into various categories
— Elon Musk (@elonmusk) December 31, 2022
اس وقت ٹوئٹر کی نیوز فیڈ پر نئی ٹوئٹس خود بخود اوپر آجاتی ہیں جب کہ اسکرین کے فرنٹ پر ٹوئٹر نیوز فیڈ کے اوپر نظر آنے والے اسٹار کو کلک کرنے سے پرانی اور مقبول ٹوئٹس بھی دیکھی جا سکتی ہیں مگر اس میں مواد کا فیصلہ ٹوئٹر کا الگورتھم کرتا ہے۔
نیوی گیشن فیچر کے علاوہ ایلون مسک نے ٹوئٹر پر بک مارک کا فیچر بھی پیش کرنے کا اعلان کیا، جس کے تحت صارف اپنی پسندیدہ ٹوئٹس کو ایک جگہ محفوظ رکھ سکے گا اور وقت آنے پر انہیں پڑھے گا۔
ایلون مسک کے مطابق اس فیچر کے تحت بک مارک کی جانے والی تمام چیزیں پرائیویٹ ہی رہیں گی۔
اس وقت ٹوئٹر کی نیوز فیڈ پر نئی ٹوئٹس خود بخود اوپر آجاتی ہیں جب کہ اسکرین کے فرنٹ پر ٹوئٹر نیوز فیڈ کے اوپر نظر آنے والے اسٹار کو کلک کرنے سے پرانی اور مقبول ٹوئٹس بھی دیکھی جا سکتی ہیں مگر اس میں مواد کا فیصلہ ٹوئٹر کا الگورتھم کرتا ہے۔
نیوی گیشن فیچر کے علاوہ ایلون مسک نے ٹوئٹر پر بک مارک کا فیچر بھی پیش کرنے کا اعلان کیا، جس کے تحت صارف اپنی پسندیدہ ٹوئٹس کو ایک جگہ محفوظ رکھ سکے گا اور وقت آنے پر انہیں پڑھے گا۔
ایلون مسک کے مطابق اس فیچر کے تحت بک مارک کی جانے والی تمام چیزیں پرائیویٹ ہی رہیں گی۔