ڈومیلی: الفلاح فاؤنڈیشن پاکستان کے تحت جھنگ کھوکھراں میں ایک روزہ فری میڈیکل کیمپ کاانعقاد کیاگیا، کیمپ گورنمنٹ بوائز پرائمری سکول جھنگ ڈومیلی تحصیل سوہاوہ میں لگایاگیا۔
سلسلہ نقشبشبندیہ ذیلی تنظیم الفلاح فاؤنڈیشن عرصہ دراز سے ملک بھر میں اپنی خدمات سرانجام دے رہی ہے جس کی نگرانی شیخ سلسلہ عالیہ حضرت امیر عبدالقدیر اعوان مد ظلہ العالی خود فرماتے ہیں، ماہر ڈاکٹر حضرات، چائلڈ سپیشلسٹ، آئی سپیشلسٹ کی ٹیم نے بلا معاوضہ مستحق عوام کی امراض کی تشخیص کے بعد ادویات فراہم کیں۔
سینکڑوں مرد و خواتین اور بچوں کو علاج کے ساتھ ادویات دی گئیں، بڑی تعداد میں معززین علاقہ سیاسی و سماجی شخصیات نے شرکت کی، شوگر اود بلڈ پریشر کے مریضوں کا فری ٹیسٹ اور دوا دی گئی۔
شیخ سلسلہ نقشبندیہ اویسیہ امیر عبدالقدیر اعوان کے مجاز میجر حافظ غلام قادری نے بھی کیمپ میں شرکت کی۔ مریضوں نے الفلاح فاؤنڈیشن پاکستان کا شکریہ ادا کیااور شیخ سلسلہ نقشبندیہ اویسیہ کو ڈھیروں دعائیں دیں۔
الفلاح فاؤنڈیشن کے ذمہ داران نے کہا کہ ہم مریضوں کے چیک اپ کے لے اس طرح کے بے شمار فری میڈیکل کیمپ کا انعقاد زیر نگرانی شیخ سلسلہ عالیہ امیر عبدالقدیر اعوان مد ظلہ العالی الفلاح فاؤنڈیشن پاکستان کے پلیٹ فام سے کرتے رہیں گے۔