سوہاوہ: الفلاح فاؤنڈیشن پاکستان کے تحت فری میڈیکل کیمپ زیرنگرانی شیخ سلسلہ نقشبندیہ اویسیہ امیر عبدالقدیر اعوان منعقد ہوا۔
فری میڈیکل کیمپ ٹبی سیداں یوتھ آرگنائزیشن کے خصوصی تعاون سے گورنمنٹ پرائمری سکول ٹبی سیداں تحصیل سوہاوہ ضلع جہلم میں لگایا گیا جہاں 3 بجے سے 5 بجے تک مریضوں کا فری چیک اپ کیا گیا۔
ماہر ڈاکٹرز، چائلڈ سپیشلسٹ میڈیکل سپیشلسٹ، فزیو تھراپسٹ کی ٹیم نے بلا معاوضہ مستحق عوام کی امراض کی تشخیص کے بعد ادویات فراہم کیں، سینکڑوں مرد و خواتین کا علاج کے ساتھ ادویات دی گئیں۔ میڈیکل کیمپ میں بڑی تعداد میں معززین علاقہ سیاسی و سماجی شخصیات نے شرکت کی جبکہ بلڈ پریشر کے مریضوں کا فری ٹیسٹ اور دوا دی گئی۔
مریضوں نے الفلاح فاؤنڈیشن پاکستان کا شکریہ ادا کیا اور شیخ سلسلہ نقشبندیہ اویسیہ کو ڈھیروں دعائیں دیں۔
الفلاح فاؤنڈیشن کے ذمہ داران نے کہا کہ ہم مریضوں کے چیک اپ کے لے اس طرح کے بے شمار فری میڈیکل کیمپ کا انعقاد زیر نگرانی شیخ سلسلہ عالیہ امیر عبدالقدیر اعوان الفلاح فاؤنڈیشن پاکستان کے پلیٹ فام سے کرتے رہیں گے۔
یاد رہے کہ سلسلہ نقشبندیہ اویسیہ کی ذیلی تنظیم الفلاح فاؤنڈیشن عرصہ دراز سے ملک بھر میں اپنی خدمات سرانجام دے رہی ہے جس کی نگرانی شیخ سلسلہ عالیہ امیر عبدالقدیر اعوان خود کرتے ہیں۔