محرم الحرام؛ ڈی پی او جہلم ناصر محمود کا پنڈدادنخان کا دورہ، سکیورٹی انتظامات کا جائزہ لیا
پنڈدادنخان: ڈی پی او جہلم ناصر محمود نے پنڈدادنخان اور للِہ کا دورہ کیا، محرم الحرام کے حوالے سے جاری جلوس کا اور سکیورٹی انتظامات کا جائزہ لیا۔
تفصیلات کے مطابق ڈی پی او جہلم ناصر محمود باجوہ کا تھانہ پنڈدادنخان کے علاقہ میں محلہ جعفریہ میں محرم الحرام کے حوالے سے جاری جلوس کا دورہ کیا، ڈی پی او جہلم کا تھانہ پنڈدادنخان کا بھی وزٹ، میس کا معیار اور دیگر انتظامات چیک کیے۔
قبل ازیں ڈی پی او جہلم ناصر محمود باجوہ نے تھانہ للِہ کے علاقہ میں امام بارگاہ کاظمیہ ٹوبہ اور امام بارگاہ سروبہ میں محرم الحرام کے حوالے سے جاری مجالس کا دورہ کیا۔ پولیس افسران کو چیک کیا اور الرٹ ڈیوٹی سر انجام دینے کی ہدایات دیں، سکیورٹی اور دیگر انتظامات کا بھی جائزہ لیا۔
ڈی ایس پی پنڈدادنخان، ایس ایچ او للِہ اور ایس ایچ او پنڈدادنخان نے ڈی پی او جہلم کو سکیورٹی اور دیگر انتظامات کے بارے میں بریف کیا، ڈی پی او جہلم نے مجلس کے منتظمین اور شرکاء سے بھی ملاقات کی،
ڈی پی او جہلم ناصر محمود باجوہ نے محرم الحرام کے حوالے سے مناسب ہدایات جاری کیں اور کہا کہ شرکاء کو چیکنگ کے بعد داخلے کی اجازت دی جائے، عمارتوں پر ماہر نشانہ باز تعینات کیے جائیں۔
ڈی پی او جہلم نے کہا کہ پولیس افسران و جوان محرم الحرام کے دوران الرٹ ڈیوٹیز سر انجام دیں، جہلم پولیس محرم الحرام کے دوران شہریوں کی حفاظت کو یقینی بنائے گی۔