پنڈدادنخان: راجہ ضمیر حسین نے دوبارہ کھیوڑہ پولیس کا چارج سنبھال لیا، کرائم فائٹر نوجوان پولیس افسر کی تعیناتی پرقبضہ گروپ اور ٹاؤٹ مافیا میں کھلبلی مچ گئی، راجہ ضمیر حسین کی کھیوڑہ پولیس چوکی میں تعیناتی بہترین فیصلہ، عوامی سماجی حلقوںکا ڈی پی او جہلم کو خراج تحسین۔
تفصیلات کے مطابق گزشتہ چند دنوں سے کھیوڑہ شہر میں چوری کی وارداتیں شروع ہوگئی تھی جس اہم مسئلہ کو مدنظر رکھتے ہوئے ڈی پی او جہلم نے دوبارہ سے دبنگ پولیس آفیسر ASIراجہ ضمیر حسین کو کھیوڑہ پولیس چوکی کا چارج سونپ دیا۔
اس سے قبل بھی ضمیر حسین انچارج دھریالہ پولیس چوکی اور تھانہ جلالپور شریف تعینات رہ چکے ہیں، کرائم فائٹر نوجوان پولیس آفیسر کی کھیوڑہ پولیس چوکی میں تعیناتی پر قبضہ گروپ اور ٹاوٹ مافیا میں کھلبلی مچ گئی۔
عوامی سماجی حلقوں نے امید ظاہر کی ہے کہ راجہ ضمیر حسین کھیوڑہ شہر میں قبضہ گروپوں کو نکیل ڈالیں گے اور منشیات فروشوں کے گرد گھیرا تنگ کرتے ہوئے قانون کے مطابق معاشرے کے ناسوروں کے خلاف کارروائیاں عمل میں لائیں گے اور شہر میں ہونے والی وارداتوں پر قابو پائیں گے۔