پنڈدادنخان: الفلاح فاؤنڈیشن پاکستان کے تحت فری میڈیکل کیمپ ناظم لال خان حویلی اتھر پنڈدادنخان میں زیرنگرانی شیخ سلسلہ نقشبندیہ اویسیہ امیر عبدالقدیر اعوان منعقد ہوا، میڈیکل کیمپ میں 11 بجے سے 1 بجے تک مریضوں کا فری چیک اپ کیا گیا۔
ماہر ڈاکٹرز چائلڈ سپیشلسٹ، آئی سپیشلسٹ، سکن سپیشلسٹ کی ٹیم نے بلا معاوضہ مستحق عوام کی امراض کی تشخیص کے بعد ادویات فراہم کیں اور سینکڑوں مرد و خواتین کا علاج کے ساتھ ادویات دی گئیں۔
میڈیکل کیمپ نے بڑی تعداد میں معززین علاقہ سیاسی و سماجی شخصیات نے شرکت کی، بلڈ پریشر کے مریضوں کا فری ٹیسٹ اور دوا دی گئی، مریضوں نے الفلاح فاؤنڈیشن پاکستان کا شکریہ ادا کیا اور شیخ سلسلہ نقشبندیہ اویسیہ کو ڈھیروں دعائیں دیں۔
اس موقع پر الفلاح فاؤنڈیشن کے ذمہ داران نے کہا کہ ہم مریضوں کے چیک اپ کے لئے اس طرح کے بے شمار فری میڈیکل کیمپ کا انعقاد زیر نگرانی شیخ سلسلہ عالیہ امیر عبدالقدیر اعوان مد ظلہ العالی الفلاح فاؤنڈیشن پاکستان کے پلیٹ فام سے کرتے رہیں گے۔
یاد رہے کہ سلسلہ نقشبندیہ اویسیہ کی ذیلی تنظیم الفلاح فاؤنڈیشن عرصہ دراز سے ملک بھر میں اپنی خدمات سرانجام دے رہی ہے جس کی نگرانی شیخ سلسلہ عالیہ امیر عبدالقدیر اعوان مد ظلہ العالی خود کرتے ہیں۔