پنڈدادنخان: اسسٹنٹ کمشنر پنڈدادن خان انور علی کانجو کی زیر صدارت نمبرداروں کا اجلاس، جلالپور نہر کے بقایا جات سمیت دیگر امور زیر بحث آئے۔
تفصیلات کے مطابق اسسٹنٹ کمشنر پنڈدادنخان انور علی کانجو کی زیرصدارت تحصیل بھر سے نمبرداروں سے اہم میٹنگ تحصیل کمپلیکس میں منعقد ہوئی جس میں کسانوں کو درپیش مسائل سمیت جلالپور شریف تا کندوال نہر کی زمین کے بقایا جات کی عدم ادائیگی سمیت دیگر امور زیر بحث لائے گے۔
اے سی پنڈدادنخان انور علی کانجو کا کہنا تھا کہ کسانوں کے مسائل ترجیحی بنیادوں پر حل کیے جائیں گے۔ ملک میں جاری مردم شماری میں تمام افراد مکمل تعاون کریں، نہر میں آنے والی زمینوں کی رقوم کی ادائیگی کو جلد از جلد مکمل کیا جائے گا۔