عمران خان کے پاس 24 گھنٹے باقی ہیں، استعفی دیں گھرجائیں، بلاول بھٹو

جہلم: چیئرمین پیپلزپارٹی بلاول بھٹو زرداری کا کہنا ہے کہ عمران خان کے پاس 24 گھنٹے باقی ہیں، استعفی دیں اور گھرجائیں۔

جہلم میں جادہ کے مقام پر عوامی لانگ مارچ شرکاء سے خطاب کرتے ہوئے چیئرمین پیپلزپارٹی بلاول بھٹو زرداری کا کہنا تھاکہ عمران خان عوام کے ووٹوں کی وجہ سے نہیں ایمپائر کی انگلی کی وجہ سے اقتدار میں ہیں، جب بھی کوئی مسئلہ آتا ہے تو وہ کسی اور کی طرف دیکھتے ہیں، وہ اس عہدے پر بیٹھنے کے لائق نہیں ہیں۔


بلاول بھٹو زرداری نے خطاب کرتے ہوئے کہا کہ ہم پیر حمزہ کرمانی کو پاکستان پیپلزپارٹی میں شمولیت اختیار کرنے پر جوش آمدید کہتے ہے، یہ قافلہ عوام کا قافلہ ہے، ہم پاکستان میں معاشی بحران ختم کریں گے سلیکٹڈ کو بھگائیں گے۔ وزیر اعظم کے پاس صرف 24 گھنٹے ہیں اب گھر چلے جائیں، اسمبلیاں توڑ کر استعفیٰ دیں اور الیکشن لڑیں۔


بلاول بھٹو کا کہنا تھا کہ سلیکٹڈ کا ہر وعدہ دھوکا نکلا اور ہر بات پر یوٹرن لیا، آئی ایم ایف ڈیل کر کے معاشی بحران پیدا کر دیا ہے، عمران خان کی نالائقی کا بوجھ عوام اٹھا رہے ہیں، بہت ہوچکا اب کٹھ پتلی کو جانا ہوگا، جتنی بھی گالیاں دے وہ بچ نہیں سکتے، ہم عمران خان سے ہر طبقہ کو مایوس کرنے کا حساب لیں گے، ہمارا مطالبہ صاف اور شفاف الیکشن ہے۔

انہوں نے کہا کہ کراچی سے لاہور اور جہلم تک ہر شہر نے گو سلیکٹڈ کا نعرہ لگا دیا ہے، عدم اعتماد کا فیصلہ سندھ،پنجاب کے عوام نے دے دیا ہے، اگر عمران خان میں ہمت ہے تو ہمارے اسلام آباد پہنچے سے پہلے اسمبلی توڑ دیں۔


اس سے قبل راجہ پرویز اشرف سابق وزیراعظم پاکستان نے خطاب کرتے ہوئے کہا کہ عمران خان پاگل ہوکر گالیاں دے رہے ہیں عوام کو کوئی نہیں روک سکتا۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

Back to top button