دینہ کے قریب سکول وین ٹائر پھٹنے سے الٹ گئی، متعدد بچے اور ڈرائیور شدید زخمی

دینہ کے قریب جی ٹی روڈ پر سکول وین کا ٹائر برسٹ ہو نے کی وجہ سے ویگن ڈرائیور سے بے قابو ہو کر جی ٹی روڈ پر اُلٹ گئی، متعدد بچے شدید زخمی، ریسکیو 1122نے زخمی بچوں کو ہسپتال منتقل کیا۔

تفصیلات کے مطابق دینہ کے مقامی سکول سے بچوں کو چھٹی کے وقت گھر لے کر جانے والی سکول وین نمبری RPT-2585 جب چک مہیوں کے مقام پر پہنچی تو اچانک سکول وین کا ٹائر پھٹ گیا جس سے وین ڈرائیور سے بے قابو ہو کر جی ٹی روڈ پر قلابازیاں کھاتے ہو ئے اُلٹ گئی۔

حادثہ سے ویگن میں سوار متعدد بچے شدید زخمی ہو گئے جن میں سمیرا، عروبہ ، حماد، محمد علی اور ڈرائیور محمد فیضان بھی شامل ہیں۔ ریسکیو 1122کو اطلاع ملتے ہی موقع پر پہنچ گئی اور بچوں کو طبی امداد کے بعد ہسپتال منتقل کیا جہاں کچھ بچوں کی زیادہ حالت خراب ہو نے کی وجہ سے ڈسٹرکٹ ہیڈ کواٹر ہسپتال جہلم منتقل کر دیا ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

Back to top button