جہلم: ملک بھر کی طرح ضلع جہلم میں یوم عاشور آج بمطابق 10 محرم الحرام کو مذہبی عقیدت و احترام سے منایا جا رہا ہے۔
نواسہ رسول ؐ حضرت امام حسینؑ اور ان کے ساتھیوں کی اسلام کی سربلندی اور حق و صداقت کیلئے میدان کربلا میں دی گئی عظیم قربانی کی یاد میں ضلع جہلم میں یوم عاشور آج بمطابق 10 محرم الحرام بروز (ہفتہ) کو مذہبی عقیدت و احترام سے منایا جا رہا ہے۔
یوم عاشور کے موقع پر ضلع جہلم میں شبیہہ ذوالجناح اور تعزیے کے جلوس برآمد ہوں گے، مرکزی امام بارگاہوں سے برآمد ہونیوالے مرکزی اپنے روایتی راستوں سے ہوتے ہوئے اپنی منزل مقصود پر پہنچ کر اختتام پذیر ہوں گے جس کے بعد شام غریباں برپا کی جائے گی۔
مختلف مذہبی جماعتوں کی جانب سے بھی سیمینارز اور دیگر تقریبات کا انعقاد کیا جائے گا جس میں شہدائے کربلا کی عظیم قربانی کو موضوع بنایا جائے گا۔
جہلم پولیس کی طرف سے سکیورٹی کیلئے فول پروف انتظامات کئے گئے ہیں۔ 10 محرم الحرام کو مرکزی جلوسوں میں شامل ہونیوالے مختلف مقامات پر جامہ تلاشی کے بعد شامل ہو سکیں گے اس کیلئے واک تھرو گیٹس بھی نصب کئے گئے ہیں۔
جلوسوں کے منتظمین اور رضا کار بھی حفاظتی ڈیوٹیوں پر تعینات ہوں گے، جلوس کے راستوں میں بغیر اجاز ت پانی اور دودھ کی سبیلیں لگانے اور نیاز تقسیم کرنے کی اجازت نہیں۔