جہلم: مصنوعی مہنگائی اور ذخیرہ اندوزی کے خلاف ضلع انتظامیہ جہلم کی کارروائیاں جاری، 116 دکانداروں کو پونے 7 لاکھ روپے جرمانہ کیا گیا۔
تفصیلات کے مطابق ڈپٹی کمشنر نعمان حفیظ کی ہدایت پر جہلم اور تحصیلوں میں اسسٹنٹ کمشنرز اور پرائس کنٹرول مجسٹریٹس نے ماہ دسمبر میں اب تک 4031 سے زائد چھاپے مار کر 116 خلاف ورزیاں پکڑی جس پر گراں فروشوں اور ذخیرہ اندوزوں کو مجموعی طور پر 6 لاکھ 83 ہزار روپے سے زائد کے جرمانہ عائد کیے گئے۔
ڈپٹی کمشنر نعمان حفیظ نے کہا ہے کہ ناجائز منافع خوری اور ذخیرہ اندوزی کو کسی صورت برداشت نہیں کیا جائے گا، ضلعی انتظامیہ اشیاء خورد ونوش کی فروخت کو سرکاری نرخوں پر یقینی بنانے کے حوالے سے پوری طرح متحرک ہے۔ اسسٹنٹ کمشنرز اور پرائس کنٹرول مجسٹریٹس روزانہ کی بنیاد پر مارکیٹس اور منڈیوں کے دورے کر رہے ہیں۔