جہلم کچہری میں فائرنگ کا واقعہ، آئی جی پنجاب کا نوٹس، ڈی پی او جہلم سے رپورٹ طلب کر لی

جہلم کچہری میں ڈپٹی کمشنر آفس کے سامنے فائرنگ سے ایک پولیس اہلکار سمیت تین افراد شدید زخمی ہوگئے، آئی جی پنجاب کا نوٹس، ڈی پی او جہلم سے رپورٹ طلب کر لی۔

مقتول الطاف کے مقدمہ میں گرفتار ملزم مسعود وغیرہ کو جیل اے عدالت پیشی کے لیے لایا گیا تو دو ملزمان نے فائرنگ شروع کر دی فائرنگ سے پولیس اہلکار وسیم شوکت،پیشی پر لایا جانیوالا ملزم مسعود اہلکار زخمی ہوگئے۔

مضروب پولیس اہلکار کی فائرنگ سے ایک حملہ آور ناصر کیانی بھی زخمی ہوگیا۔ اطلاع ملتے ہی پولیس کی بھاری نفری موقع پر پہنچ گئی،حملہ آوروں ناصر کیانی اور وسیم کو حراست میں لے لیا گیا ہے، زخمیوں کو سول اسپتال منتقل کیا گیا۔

واقع پر آئی کی پنجاب نے نوٹس لیتے ہوئے ڈی پی او سے رپورٹ طلب کر لی ہے، ڈی پی او ڈاکٹر فہد نے زخمی ہونے والے کانسٹیبل وسیم شوکت کی بہادری پر سی سی تھری سرٹیفکیٹ اور بیس ہزار روپے انعام دینے کا اعلان کیا جبکہ علاج معالجے کی تمام سہولیات محکمہ پولیس فراہم کرے گی۔

پولیس کانسٹیبل کی حالت خطرے سے باہر ہے جبکہ شدید زخمی ہونے والے ملزم مسعود کو تشویشاک حالت میں جہلم سے راولپنڈی ریفر کردیا گیا ہے۔