جہلم: ایس ایس پی پنجاب ہائی وے پٹرول محمد بن اشرف کی ہدایت پر اور ڈی ایس پی پنجاب ہائی وے پٹرول رضا اللہ خان کی زیر نگرانی انچارج پٹرولنگ پوسٹ مصر ی موڑ اور ہمراہ ٹیم نے ماہ اکتوبر کے دوران شاندار کارکردگی کا مظاہرہ کیا۔
مجرمان اشتہاری اور عدالتی مفروران کے خلاف کارروائی کرتے ہوئے 5 مجرمان کو گرفتار کر کے پابند سلاسل کیا گیا جبکہ موٹر سائیکل اور گاڑیوں پر جعلی اور بوگس نمبر پلیٹ لگانے والے ڈرائیوروں کے خلاف کارروائی کرتے ہوئے 1 مقدمہ درج کرایا گیا اور دوران سفر عوام الناس کو پیش آنے والی مشکلات کو حل کرنے کیلئے افراد کی مدد کی گئی۔
میڈیا سے بات کرتے ہوئے پوسٹ انچارج پنجاب ہائی وے پٹرولنگ پوسٹ چک اکا سب انسپکٹر صنور خان نے کہا کہ کارگردگی کو مزید بہتر بنایا جائے اور دوران عوام الناس کے سفر کو محفوظ بنانا اور انکے جان و مال کو محفوظ بنانا پٹرولنگ پولیس کی اولین ترجیح ہونی چاہیے۔ نیز جرائم پیشہ افراد کے خلاف زیادہ سے زیادہ کارروائی کر کے ان کو کیفر کردار تک پہنچایا جائے گا۔