جہلم: پاکستان پوسٹ کیلئے یوٹیلیٹی بلز کی وصولی گھاٹے کا سودا بن گئی، ملازمین میں بھی اس بارے آواز اٹھنے لگی ، بلز وصولی کے معاہدے کی فوری تجدید کی جائے۔
انتہائی باوثوق زرائع سے معلوم ہوا ہے کہ ڈاکخانوں بنکوں سمیت مالیاتی اداروں سے 15 سال قبل تمام یوٹیلیٹی بلز وصولی کا کمیشن 8 روپے فی بل مقر ر کیا گیا تھا ، اب عملے کی تنخواہوں ، سٹیشنری اور کیش کی ترسیل سمیت دیگر اخراجات کئی گنا بڑھ چکے ہیں لیکن حکومتی عدم توجہی اور متعلقہ اداروں کی غفلت سے کمیشن کی شرح میں کوئی نظر ثانی نہیں کی گئی جس سے بینکوں کو کم اور پاکستان پوسٹ کو سراسر نقصان پہنچ رہا ہے کیونکہ بینک بلز آن لائن نظام اور اپنی ایپ کے ذریعے جمع کر رہے ہیں اورتصیخ شد بلزجمع نہ کر نیکا سارا بوجھ ڈا کخانوں اور جی پی اوز پر آ چکا ہے۔
ذرائع کے مطابق 100/50 مالیت والے بلز اور کئی کئی ملین روپے کے کمرشل بلز بھی ڈاکخانوں میں جمع ہوتے ہیں جس کا کمیشن یکساں 8 روپے ہے لیکن اتنی بھاری رقوم کی جی پی اوز تک اور اسکے بعد اسٹیٹ بینک اورنیشنل بنک تک پرائیویٹ کمپنیوں کی کیش گاڑیوں سے ترسیل پر پاکستان پوسٹ کو ملنے والے کمیشن سے معاوضہ تجاوز کر جاتا ہے اور دیگر تمام اخراجات اسکے علاوہ ہیں۔
پاکستان پوسٹ نے مطالبہ کیاہے کہ مہنگائی کے تناسب سے یوٹیلیٹی بلز کا کمیشن مقرر کیا جائے تاکہ پاکستان پوسٹ کو منافع بخش ادارہ بنایا جا سکے۔