ریجنل ایمرجنسی آفیسر ریسکیو 1122 ڈاکٹر عبدالرحمٰن کا ریسکیو اسٹیشن جہلم کا دورہ، ایمرجنسی آلات کا جائزہ لیا

جہلم: ریجنل ایمرجنسی آفیسر پنجاب ایمرجنسی سروس ڈیپارٹمنٹ ریسکیو 1122 ڈاکٹر عبدالرحمنٰ نے ریسکیو اسٹیشن جہلم کا دورہ کیا۔

ریجنل ایمرجنسی آفیسر کا کہنا تھا کہ دورے کا بنیادی مقصدریسکیو 1122 جہلم کی استعداد کار کو جانچنا اور دستیاب وسائل سے آگاہی کے ساتھ ساتھ ضروریات کو بھی مدنظر رکھنا ہے۔

اس دوران انہوں نے ریسکیو سٹاف سے ملاقات کی اور ایمرجنسی آلات اور گاڑیوں کی کارکردگی کا معائنہ کیا۔ اس موقع پر ایمرجنسی کی صورتحال سے نمٹنے کیلئے سٹاف نے فرضی مشقیں بھی کیں۔

ریجنل ایمرجنسی آفیسر ڈاکٹر عبدالرحمٰن نے ریسکیو 1122 جہلم کی کارکردگی کو سراہتے ہوئے دلی اطمینان کا اظہار کیا۔

اس موقع پر ڈسٹرکٹ ایمرجنسی آفیسر جہلم انجینئر سعید احمد نے کہا کہ ریسکیو 1122 عوام کا اپنا ادارہ ہے۔ ہمارا مقصد عوام میں احساس تحفظ پیدا کرنا ہے۔ ریسکیو کے جوان پورے جوش و جذبہ کے ساتھ ہر وقت آفات سے نبردآزما ہونے کے لئے بھی تیار ہیں۔