جہلم: ڈپٹی کمشنر کامران خان کی ہدایت پر جہلم اور تحصیلوں میں اسسٹنٹ کمشنرز اور پرائس کنٹرول مجسٹریٹس نے گزشتہ 24 گھنٹوں کے دوران 132 سے زائد چھاپے مار کر 26 خلاف ورزیاں پکڑی،جس پر گراں فروشوں اور ذخیرہ اندوزوں کو مجموعی طور پر 1 لاکھ 93 ہزار روپے سے زائد کے جرمانہ عائد کیے گئے جبکہ ایک ایف آئی آر کا اندراج کیا گیا۔
ڈپٹی کمشنر کامران خان نے کہا ہے کہ ناجائز منافع خوری اور ذخیرہ اندوزی کو کسی صورت برداشت نہیں کیا جائے گا، ضلعی انتظامیہ اشیاء خورد ونوش کی فروخت کو سرکاری نرخوں پر یقینی بنانے کے حوالے سے پوری طرح متحرک ہے۔ اسسٹنٹ کمشنرز اور پرائس کنٹرول مجسٹریٹس روزانہ کی بنیاد پر مارکیٹس اور منڈیوں کے دورے کر رہے ہیں۔