جہلم میں مہنگائی کی لہر میں اضافے کے سبب مارکیٹ میں فی کلو چینی کی قیمت 200 روپے تک پہنچ گئی۔
چینی کی قیمت میں گزشتہ ایک ہفتے کے دوران 50 روپے فی کلو اضافہ ہوا۔ چینی کی قیمت میں اضافے کے بعد 50 کلو بوری کی قیمت 9 ہزارسے تجاوز کر گئی۔
چینی کی قیمت میں اضافے کے باعث بیشتر یوٹیلیٹی اسٹورز پر چینی نایاب ہوگئی اور چینی کی عدم دستیابی کے باعث شہری مہنگے داموں خریدنے پر مجبور ہیں۔ پرچون ریٹ پر چینی فی کلو 220 روپے فروخت کی جا رہی ہے۔
آٹا، گھی، چاول، چائے اور دالوں سمیت دیگر اشیاء خورونوش کی قیمتوں میں بے تحاشا اضافہ ہوگیا ہے۔