جہلم: سوشل میڈیا کے باعث لوگوں میں خاص کر طالبعلموں میں کتب بینی کا رجحان دم توڑنے لگا، انٹرنیٹ اور فیس بک نے نئی نسل سے کتابیں پڑھنے کا شوق چھین لیا، بک سٹالز ویران ہوگئے۔
سوشل میڈیا بہت تبدیلیاں لے آیا، انٹرنیٹ عام ہونے کی وجہ سے واٹس اپ، فیس بک، انسٹا گرام سوشل میڈیا نے نئی نسل سے کتاب کا مطالعہ کرنا کتاب بینی کا شوق بھی چھین لیا ہے، کتابوں کے سٹالز ویران ہوگئے۔
جہلم شہر سمیت دیگر کئی مقامات پر بک سٹالز لگائے جاتے تھے ،جہاں بوڑھے بچے، نوجوان ذوق و شوق سے جاتے کتابوں کے بارے میں چھان بین کی جاتی اور مختلف موضوعات کی کتابیں خریدی جاتیں ، وقت گزرنے کے ساتھ ساتھ سوشل میڈیا جہاں بہت ساری تبدیلیاں لایا ہے، وہیں سوشل میڈیا نے نئی نسل کے ہاتھوں سے کتابیں اور رسالے بھی چھین لئے ہیں۔
ماہرین تعلیم کا کہنا ہے ، کہ والدین کو چاہیے کہ وہ بچوں کو کتب بینی کی طرف راغب کریں تاکہ بچوں کے علم میں اضافہ ہوسکے۔