یکم محرم سے یوم عاشور تک امن و امان قائم کرنے پر ضلعی انتظامیہ اور پولیس کے مشکور ہیں۔ علی حسین راجہ

جہلم شہر کی معروف سماجی اور مذہبی شخصیت علی حسین راجہ نے اپنے بیان میں ضلعی حکومت کا شکریہ ادا کیا کہ انہوں نے یکم محرم سے یوم عاشور تک جس محنت جاںفشانی اور لگن کے ساتھ محرم الحرام سے متعلقہ تمام امور کی نگرانی کی اور انہیں سر انجام دیا، وہ قابل ستائش ہیں۔

انہوں نے کہا کہ میں بالخصوص ڈی پی او جہلم، ڈی سی جہلم سمیت قانون نافذ کرنے والے اداروں سمیت میونسپل کمیٹی، ریسکیو1122، محکمہ صحت پرنٹ و الیکٹرانک میڈیا نمائندگان ،رضاکار،اور دیگر تمام مکاتب فکر سے تعلق رکھنے والے تمام ان لوگوں کا شکر گزار ہوں جنہوں نے ہمارے ساتھ ہر ممکن تعاون کیا۔

علی حسین راجہ نے کہا کہ میں بالخصوص ڈی پی او جہلم ،ڈی سی جہلم کے انتظامی امور کو سرانجام دینے پر ان کا بے حد ذاتی طور پر مشکور ہوں۔ان کی محنت اور توجہ کے باعث 10 محرم الحرام انتہائی پرامن اور سکون کے ساتھ گزرا۔

انہوں نے امید ظاہر کی کہ آئندہ ہونے والے پروگرام میں ضلعی انتظامیہ ان کے ساتھ تعاون جاری رکھے گی۔تاکہ محرم الحرام کے 40 ویں تک ہونے والے تمام پروگرام بہ احسن وخوبی سر انجام پائیں۔