جہلم: یوٹیلٹی سٹورز پر مختلف برانڈ کے گھی کی فی کلو قیمت میں 45 روپے اور کوکنگ آئل کی فی لیٹر قیمت میں 10روپے تک کمی کر دی گئی ہے۔
مختلف برانڈز کے گھی کے دام 540 روپے سے سستا کر کے 495 روپے فی کلو جبکہ مختلف کمپنیوں کے خوردنی تیل کے دام 596 روپے سے کم کرکے 586 روپے لیٹر ہو گئے ہیں۔
یوٹیلٹی سٹورز کارپوریشن آف پاکستان کی جانب سے جاری کردہ ریٹ لسٹ کے مطابق گھی اور کوکنگ آئل کی قیمتوں میں کمی کا اطلاق فوری طور پر قابل عمل ہو گا۔
دوسری طرف چیئرمین پاکستان فلور ملز ایسوسی ایشن نے کہا ہے کہ سیکرٹری خوراک پنجاب کی جانب سے 200 من سے زائد گندم کی سٹوریج پر پابندی کے باعث بازاروں میں 40 کلو گرام گندم کے نرخ 4 ہزار 725 روپے ہوگئے ہیں۔
انہوں نے کہا کہ بیس کلو آٹے کا تھیلا 2800 روپے میں فروخت ہونے لگا ہے، صورتحال برقرار رہی تو گندم کی قلت اور آٹا مزید مہنگا ہونے کا اندیشہ ہے۔