جہلم: ڈی ایس پی پنڈ دادنخان ملک عرفان صفدر کے اعزاز میں ڈی پی او آفس جہلم میں انکی ٹرانسفر کے موقع پر الوداعی تقریب کا انعقاد کیا گیا جس میں ڈی پی او جہلم ناصر محمود باجوہ، ڈی ایس پی لیگل سید غلام عباس شاہ، ڈی ایس پی ہیڈ کوارٹرز ملک عقیل عباس اور انچارج برانچز نے شرکت کی۔
پولیس افسران نے ڈی ایس پی پنڈ دادنخان کی جہلم پولیس کے لئے خدمات کو سراہا اور نیک خواہشات کا اظہار کیا،ٹرانسفر ہونے والے ڈی ایس پی پنڈ دادنخان نے ڈی پی او جہلم اور پولیس افسران کا شکریہ ادا کیا۔
اس موقع پر ڈی ایس پی پنڈ دادنخان نے کہا کہ پوسٹنگ اور ٹرانسفر سروس کا حصہ ہے، جہلم پولیس کے ساتھ بہترین وقت گزرا جو ہمیشہ یاد رہے گا، جہلم پولیس کیلئے آپ کی خدمات کو ہمیشہ یاد رکھا جائے گا۔
ڈی پی او جہلم ناصر محمود باجوہ تقریب کے اختتام پر ڈی پی او جہلم ناصر محمود باجوہ نے ڈی ایس پی پنڈ دادنخان کو گلدستہ پیش کیا اور نیک تمناؤں کا اظہار کیا۔