جہلم: عید قربان کے موقع پر شہرِ خاموشاں میں شہریوں ، فیملیز کی بہت بڑی تعداد ابدی نیند سوئے اپنے پیاروں کو عید ملنے پہنچ گئے ، فیملیز نے آنسوؤں کی برسات میں اپنے پیاروں کی قبروں پر پھولوں کی پتیاں نچھاور کیں ، تازہ اور خشک پھولوں کی چادریں ڈالیں ،اگر بتیاں ، دئیے جلائے جس سے شہر کے قبرستان خوشبوؤں سے معطر ہو گئے۔
28 جون کی شام کو ہی فیملیز کا قبرستانوں میں آنا جانا شروع ہو گیا تھا بچے بوڑھے نوجوان سب شہر خاموشاں میں ابدی نیند سوئے ہوئے اپنے پیاروں کی قبروں پر آئے دعائیں کیں ، قرآن پاک ، ناظرہ اور سورہ یاسین کی تلاوت کرتے اور بخشش کی دعائیں کرتے رہے۔
دوسری جانب دکانداروں نے پھولوں کی پتیاں ، چادریں اگر بتیوں کی قیمتوں میں اضافہ کرتے ہوئے قبرستانوں کے راستوں اور اطراف میں عارضی اسٹال لگا رکھے تھے جن میں پھولوں کی پتیاں ، تازہ پھولوں کی چادریں ، خشک پھولوں کی چادریں فروخت کی جارہی تھیں اسی طرح عرق گلاب، اگر بتیاں بھی فروخت کی جاتی رہیں۔