جہلم: کالاگوجراں پولیس نے ون ویلنگ کرنے والوں کے خلاف کریک ڈاؤن کرتے ہوئے 7 نوجوانوں کو گرفتار کر لیا۔
تفصیلات کے مطابق ایس ایچ او کالا گجراں اور ٹیم نے ون ویلرز کے خلاف کریک ڈاؤن کرتے ہوئے 7 افراد مدثر، زوہیب، قاسم، کبیر، کرم، فرقان اور سعید کو گرفتار کر کے مقدمہ درج کر لیا۔
پولیس نے ملزمان سے 4 موٹر سائیکلز قبضہ میں لے کر تھانہ بند کر دیے گئے ہیں، ملزمان جی ٹی روڈ پر تیز رفتاری سے موٹر سائیکلز چلاتے ہوئے ون ویلنگ کر رہے تھے۔
ڈی پی او جہلم ناصر محمود باجوہ نے کہا کہ شہریوں سے التماس ہے کہ اپنے بچوں پر نظر رکھیں اور غیر قانونی افعال کی حوصلہ شکنی کریں، غیر قانونی سرگرمیوں میں ملوث ملزمان کے خلاف قانونی کارروائی عمل میں لائی جائے گی۔