جہلم: تھانہ صدر، تھانہ سول لائن ، تھانہ سٹی ،تھانہ سی آئی اے کی بغل کے نیچے شہرکی تاریخ کی سب سے بڑی چوری کی واردات،4 تھانوں 2 ڈی ایس پیز کے دفاتر سے چند فٹ کے فاصلے پر قائم موبائل شاپ سے کروڑوں روپے کے موبائل چوری، پولیس خواب خرگوش کے مزے لیتی رہی، تاجر سراپا احتجاج ہیں۔
تفصیلات کے مطابق تھانہ صدر، تھانہ سول لائن، تھانہ سٹی، تھانہ سی آئی اے سٹاف اور ڈی ایس پیز کے دفاتر سے محض چند فٹ کے فاصلے پر قائم بیس موبائل (ملک غلام رسول) سے نامعلوم چور 6 کروڑ روپے سے زائد مالیت کے موبائل چوری کر کے فرار ہوگئے۔ چوروں نے دکان کے عقب تالے توڑ کر واردات کی ۔
جہلم:بیس موبائل پر چوری کی سب سے بڑی واردات،چور چھت کے ذریعے دروازے توڑ کر چھ کروڑ کے موبائل فون لوٹ کرفرار،دکان کے سامنے چار تھانے،سی آئی اے اسٹاف اور دو ڈی ایس پی کے دفاتر ہیں،تاجر پریشان pic.twitter.com/vRxxXYHEhL
— M shahbaz butt (@shahbazbutt78) June 20, 2023
تاجروں کا کہنا ہے کہ آئی جی پنجاب پولیس کو سہولیات مہیا کر رہے ہیں لیکن پولیس شہریوں کو جان و مال کی حفاظت کرنے میں بری طرح ناکام ہے۔ ضلع جہلم چوروں ڈکیتوں نے محفوظ پناہ گاہ کے طور پر استعمال کرنا شروع کر رکھا ہے۔ ہر روز چوری ڈکیتی کی وارداتیں پولیس کارکردگی پر سوالیہ نشان ہیں۔
تاجروں کا کہنا تھا کہ آئی جی پنجاب نے ملزمان کی گرفتاریاں اور گشت کے لئے پنجاب پولیس کو نئی گاڑیاں اور موٹر سائیکلیں فراہم کررکھی ہیں لیکن پولیس کے افسران کی عدم دلچسپی کیوجہ سے چوریوں ڈکیتیوں میں اضافہ ہو چکا ہے جو کہ پولیس کارکردگی پر سوالیہ نشان ہے ۔