جہلم پولیس کے 3 اے ایس آئیز کو ایس آئیز جبکہ 7 ہیڈ کانسٹیبلز کو اے ایس آئیز کے عہدے پر ترقی دے کر رینگ لگا دیے گئے۔
ڈی پی او جہلم ناصر محمود باجوہ،ڈی ایس پی ہیڈ کوارٹرز ملک عقیل عباس اور ڈی ایس پی لیگل سید غلام عباس شاہ نے ترقی پانے والے پولیس افسران کو رینک لگائے اور مبارکباد دی اور کہا کہ دعاگو ہوں کہ آپ کے لئے ترقی کا سلسلہ جاری رہے۔
ڈی پی او جہلم ناصر محمود باجوہ نے کہا کہ اپنی ذمہ داری کو ایمانداری اور لگن سے سرانجام دیتے ہوئے اپنی بھر پور صلاحیتوں کو شہریوں کی خدمت کے لیے بروئے کار لائیں، یہ رینک آپ کے پاس اللہ کی امانت ہے اپنے اختیارات کو مخلوق کی آسانی اور انصاف کی فراہمی کے لیے استعمال کریں۔