جہلم: بلڈنگ ڈیپارٹمنٹ کے سب ڈویژنل آفیسرمبشر سعید سے پنجاب پی ڈبلیو ڈی ایمپلائز یونین کے عہدیداروں کی ملاقات، مرکزی نائب صدر حاجی محمد افضل بلوچ کے ہمراہ حافظ محمد یاسین مطیع الرحمن اور بوٹا مسیح نے ملاقات کی اور محنت کشوں کے مسائل سے آگاہ کیا۔
تفصیلات کے مطابق پنجاب پی ڈبلیو ڈی ایمپلائز یونین کے مرکزی نائب صدر حاجی محمد افضل بلوچ نے گزشتہ روز بلڈنگ ڈیپارٹمنٹ میں نئے تعینات ہونے والے سب ڈویژنل آفیسر مبشر سعید سے ملاقات کی اور انہیں جہلم میں بطور ایس ڈی او ذمہ داریاں سنبھالنے پر مبارک باد پیش کی اور ملازمین کے مسائل سے آگاہ کیا، سب ڈویژنل آفیسر نے ملازمین کے مسائل ترجیحی بنیادوں پر حل کرنے کی یقین دہانی کروائی۔
انہوں نے کہا کہ درجہ چہارم کے ملازمین محکمے میں ریڑھ کی ہڈی کا کردار ادا کرتے ہیں جو کہ محکمے کیلئے باعث فخر ہیں ان ملازمین کی وجہ سے افسران اور ادارے کو عزت کی نگاہ سے دیکھا جاتا ہے۔
اس موقع پر ڈویژنل سیکرٹری حافظ محمد یاسین، مطیع الرحمٰن بلوچ اور بوٹا مسیح موجود تھے۔