جہلم چیمبر آف کامرس اینڈ انڈسٹری کا ساتواں ماہانہ اجلاس زیر صدارت ملک خاور شہزاد منعقد ہوا، عہدیداران و ممبران کی کثیر تعداد میں شرکت، سیکرٹری جنرل اسامہ راشد ڈار نے کارروائی کے فرائض سر انجام دیئے۔
تفصیلات کے مطابق جہلم چیمبر آف کامرس اینڈ انڈسٹری کے کانفرنس ہال میں منعقد ہونے والے ماہانہ اجلاس کی کارروائی کا آغاز سیکرٹری جنرل اسامہ راشد ڈار نے کیا جبکہ تلاوت قرآن پاک کا شرف نائب صدر جہلم چیمبر آف کامرس اینڈ انڈسٹری حافظ غلام مصطفی کو حاصل ہوا۔
سیکرٹری جنرل اسامہ راشد ڈار نے پچھلی میٹنگ کی کارروائی ہاؤس کو پڑھ کر سنائی اور مارچ، اپریل کی مالیاتی رپورٹ پیش کی جس پر جہلم چیمبر آف کامرس اینڈ انڈسٹری کی ایگزیکٹو باڈی نے اطمینان کا اظہار کیا اور مالی رپورٹ کی منظوری دی۔
اجلاس میں شرکت کرنے والوں میں سینئر نائب صدر مظہر اکرام، نائب صدر حافظ غلام مصطفی، سابق صدر عمر مشتاق برگٹ، سابق صدر ڈاکٹر کوثر ناہید انور، ایگزیکٹو ممبر اسلام الدین، ایگزیکٹو ممبر شبیر احمد، ایگزیکٹو ممبر آفتاب احمد ساہی، ایگزیکٹو ممبر زاہد عمران چوہان، ایگزیکٹو ممبر چوہدری نوید اعظم، ایگزیکٹو ممبر شاہد علی رانا، ایگزیکٹو ممبر تیمور علی مخدوم، ایگزیکٹو ممبر غلام رسول، ایگزیکٹو ممبر محمد اعجاز، ایگزیکٹو ممبر رانا ساجد حمید، ایگزیکٹو ممبر حبیب نوید نے شرکت کی۔
میٹنگ کے اختتام پر مصدق الیاس کیانی کی جانب سے میٹنگ کے شرکاء کے اعزاز میں ایک پرتکلف ظہرانہ دیا گیا۔