جہلم پولیس کے 45 کانسٹیبلز کی ہیڈ کانسٹیبلز کے عہدے پر ترقی، اہلخانہ کی موجودگی میں رینگ لگائے گئے

جہلم پولیس کے 45 کانسٹیبلز کو ان کے اہلخانہ کی موجودگی میں ہیڈ کانسٹیبلز کے عہدے پر ترقی دے کر رینگ لگا دیئے گئے۔

تفصیلات کے مطابق ڈی پی او جہلم ناصر محمود باجوہ، ڈی ایس پی ہیڈ کوارٹرز ملک عقیل عباس، ڈی ایس پی صدر میاں عبدالجبار، ڈی ایس پی آرگنائزر کرائم مسعود مظہر اور ترقی پانے والے افسران کی فیملی نے ترقی پانے والے پولیس افسران کو رینک لگائے اور مبارکباد دی،ترقی پانے والوں میں 40 مرد افسران اور 5 لیڈی افسران شامل ہیں،دعاگو ہوں کہ آپ کے لئے ترقی کا سلسلہ جاری رہے۔

ڈی پی او جہلم ناصر محمود باجوہ نے کہا کہ اپنی ذمہ داری کو ایمانداری اور لگن سے سرانجام دیتے ہوئے اپنی بھر پور صلاحیتوں کو شہریوں کی خدمت کے لیے بروئے کار لائیں، یہ رینک آپ کے پاس اللہ کی امانت ہے اپنے اختیارات کو مخلوق کی آسانی اور انصاف کی فراہمی کے لیے استعمال کریں۔