جہلم: ایس ایچ او سٹی محمد عمران اور انچارج چوکی کینٹ شاہد امجد کی اہم کارروائی، موٹر سائیکل چوری اور ڈکیتی کی وارداتوں میں ملوث شانی گینگ کے 4 ملزمان گرفتار کر لئے۔
ملزمان کی شناخت ذیشان مسیح عرف شانی سرغنہ، سلیمان، نعمان اور ذیشان کے ناموں سے ہوئی، ملزمان سے چوری شدہ 8 موٹر سائیکل اور 35 ہزار روپے نقدی برآمدکر لیے گئے،ملزمان سے بر ریمانڈ جسمانی مزید انکشافات متوقع ہیں۔
ڈی پی او جہلم ناصر محمود باجوہ نے کہا کہ شہریوں کے قیمتی اثاثوں کی حفاظت کو ہر صورت یقینی بنایا جائے گا، ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔ ڈی پی او جہلم ناصر محمود باجوہ نے ایس ایچ او سٹی اور ٹیم کو شاباش دی۔