جہلم پولیس کی جانب سے پیشہ ور بھکاریوں کیخلاف مسلسل آپریشن جاری ہے،ایس ایچ او سول لائنز اور ٹیم نے کارروائی کرتے ہوئے 6 پیشہ ور بھکاریوں کو گرفتار کر لیا۔
ملزمان میں امتیاز، شہباز، احمد، عالیہ، رخسانہ اور شگفتہ شامل ہیں،گرفتار پیشہ ور بھکاریوں کے خلاف مقدمات درج کر لیے گئے۔
ڈی پی او جہلم ناصر محمود باجوہ نے کہا کہ پیشہ ور بھکاری ناصرف مختلف شاہراؤں اور چوک چوراہوں پر کھڑے ہوکر ٹریفک کی روانی کو متاثر کرتے ہیں بلکہ حادثات کا بھی باعث بنتے ہیں، شہریوں سے التماس ہے کہ پیشہ ور بھکاریوں کی حوصلہ شکنی کریں۔