جہلم: ڈی پی او جہلم ناصر محمود باجوہ کی ہدایت پر جہلم پولیس کا پیشہ ور سماج دشمن عناصر کے خلاف کریک ڈاؤن جاری، ناجائز اسلحہ رکھنے والے 2 ملزمان سمیت منشیات فروش ملزم گرفتار، پولیس نے مقدمات درج کر لئے۔
تفصیلات کے مطابق تھانہ منگلا پولیس نے کارروائی کرتے ہوئے منشیات فروش ملزم سفیر کو گرفتار کر لیا، ملزم کے قبضہ سے 510 گرام ہیروئن برآمد کر کے مقدمہ درج کر لیا۔
تھانہ چوٹالہ پولیس نے کارروائی کرتے ہوئے ناجائز اسلحہ رکھنے والے ملزم سجاد کو گرفتار کر لیا، ملزم کے قبضہ سے بندوق 12 بور معہ کارتوس برآمد کر کے مقدمہ درج کر لیا۔
تھانہ دینہ پولیس نے کارروائی کرتے ہوئے ناجائز اسلحہ رکھنے والے ملزم وقاص کو گرفتار کر لیا، ملزم کے قبضہ سے پسٹل 30 بور معہ روندز برآمد کر کے مقدمہ درج کر لیا۔
ڈی پی او جہلم ناصر محمود باجوہ نے حکم دیا کہ سماج دشمن عناصر کے خلاف کارروائیاں جاری رہیں گی۔