جہلم پولیس کا مختلف علاقوں میں سرچ آپریشنز، 6 افراد گرفتار، پولیس نے مقدمات درج کر لئے۔
تفصیلات کے مطابق سرچ آپریشنز میں گھروں، کرایہ داروں کے کرایہ داری کوائف، دکانوں، ہوٹلز، ہوسٹلز اور متعدد افراد کی چیکنگ کی گئی، سرچ آپریشنز کے دوران بغیر کرایہ داری اندراج کے رہائش پذیر 6 ملزمان گرفتار کر لیے۔
ایس ایچ او سٹی راجہ عمران اور ٹیم نے بغیر کرایہ داری کوائف اندراج رہائش پذیر ملزمان عطاء اللہ اور حمد اللہ کو گرفتار کر لیا۔
جلالپور شریف پولیس نے بغیر کرایہ داری کوائف اندراج رہائش پذیر ملزمان وسیم، علی، حسن او عدنان کو گرفتار کر لیا،ملزمان کے خلاف الگ الگ مقدمات درج کر لیے گئے۔
ڈی پی او جہلم ناصر محمود باجوہ نے کہا کہ سرچ آپریشن کا مقصد سماج دشمن اور جرائم پیشہ عناصر کے خلاف کارروائی کر کے پرامن معاشرے کی تشکیل ہے، جہلم پولیس شہریوں کی جان و مال کی حفاظت کے لئے تمام وسائل بروئے کار لا رہی ہے۔