جہلم: مردم شماری کو جلد از جلد مکمل کرنے کیلئے ڈبل شفٹ میں کام کیا جائے تاکہ حکومت کی طرف سے دی گئی مقررہ مدت میں اس قومی فرض کو ادا کیا جا سکے۔
یہ بات ڈپٹی کمشنر جہلم کیپٹن (ر) سمیع اللہ فاروق نے مردم شماری کے حوالے سے اجلاس میں کہی۔ انہوں نے کہا کہ ضلع جہلم میں مردم شماری کا کام انتہائی تیزی سے جاری ہے اور جو بلاک باقی رہ گئے ہیں ان کو ایک دودن میں مکمل کر لیا جائے گا۔
انہوں نے کہا کہ اس کیلئے تمام سپروائزرزاور عملہ مردم شماری کو ہدایت کی جاتی ہے کہ وہ مقررہ اوقات سے زیادہ وقت لگا کر بھی حکومتی مدت کے اندر اندر اس فرض کو مکمل کریں۔
اجلاس میں مختلف بلاک سپروائزرز اور اسسٹنٹ کمشنر ز نے شرکت کی۔