جہلم: ڈی پی او جہلم ناصر محمود باجوہ کی ہدایت پر جہلم پولیس کا قمار بازوں کے خلاف بڑا کریک ڈاؤن، 12 قمار باز رنگے ہاتھوں گرفتار، پولیس نے مقدمات درج کر لئے۔
تفصیلات کے مطابق ایس ایچ او پنڈدادنخان عبدالرحمن اور ٹیم نے کارروائی کرتے ہوئے سنوکر پر جواء کھیلنے والے 5 قمار باز گرفتار کر لیے،ملزمان میں کامران، یاسر، احسن، قاسم اور احتشام شامل ہیں،ملزمان سے داؤ پر لگی رقم 42170 روپے، 7 موبائل فون اور سنوکر اسٹکس برآمدکر کے مقدمہ درج کر لیا۔
ایس ایچ او سول لائنزقمر سلطان اور ٹیم نے کارروائی کرتے ہوئے تاش پر جواء کھیلنے والے 7 قمار باز گرفتار کر لیے، ملزمان میں ممتاز، اسحاق، عباس، شکیل، صادق، سیف اور اجمل شامل ہیں،ملزمان سے داؤ پر لگی رقم 18780 روپے، 3 موبائل فونز اور تاش کے پتے برآمدکر کے مقدمہ درج کر لیا۔
ڈی پی او جہلم ناصر محمود باجوہ نے حکم دیا کہ قمار بازی معاشرتی برائیوں اور جرائم کی جڑ ہے، جس کے خلاف کارروائیاں جاری رہیں گی،ڈی پی او جہلم ناصر محمود باجوہ نے ایس ایچ او پنڈدادنخان، ایس ایچ او سول لائنز معہ ٹیمز کو شاباش دی۔