جہلم: ڈی پی او جہلم ناصر محمود باجوہ کی ہدایت پر جہلم پولیس کا جرائم پیشہ عناصر کے خلاف کریک ڈاؤن جاری، خاتون منشیات فروش سمیت 6 ملزمان گرفتار، پولیس نے ملزمان کے خلاف الگ الگ مقدمات درج کر لئے۔
تفصیلات کے مطابق تھانہ سٹی پولیس نے کارروائی کرتے ہوئے لیڈی منشیات فروش ملزمہ مصباح کو گرفتار کر لیا،ملزمہ کے قبضہ سے 1370 گرام ہیروئن برآمدکر کے مقدمہ درج کر لیا۔
تھانہ پنڈدادنخان پولیس نے کارروائی کرتے ہوئے ناجائز اسلحہ رکھنے والے 3 ملزمان عقیل، عمر اور نذیر کو گرفتار کر لیا، ملزمان کے قبضہ سے کلاشنکوف، پسٹل 9MM، پسٹل 30 بور معہ روندز برآمدکر کے ملزمان کے خلاف الگ الگ مقدمات درج کر لیے۔
تھانہ للِہ پولیس نے کارروائی کرتے ہوئے ناجائز اسلحہ رکھنے والے ملزم سلطان کو گرفتار کر لیا،ملزم کے قبضہ سے پسٹل 30 بور معہ روندز برآمدکرکے مقدمہ درج کر لیا۔
تھانہ سٹی پولیس نے کارروائی کرتے ہوئے پتنگ فروش ملزم مبشر کو گرفتار کر لیا، ملزم کے قبضہ سے 6 پتنگیں برآمد کر مقدمہ درج کرلیا۔
ڈی پی او جہلم ناصر محمود باجوہ نے حکم دیا کہ قانون شکن عناصر کے خلاف کارروائیاں جاری رہیں گی۔