جہلم میں گرانفروشوں کو بھاری جرمانے، دوکانداروں کا پرائس مجسٹریٹ پر حملہ، سنگین نتائج کی دھمکیاں

جہلم: سبزی منڈی میں مہنگے داموں اشیائے خورد و نوش فروخت کرنے پر جرمانے، دوکانداروں کا پرائس مجسٹریٹ پر حملہ، بدتمیزی، دھکم پیل، سنگین نتائج کی دھمکیاں، ڈرائیور پر تشدد، قانونی کارروائی شروع کر دی گئی۔

تفصیلات کے مطابق مرزا محمد سعید پرائس مجسٹریٹ جہلم نے مین سبزی منڈی میں پیاز آلو مقررہ قیمت سے زائد قیمت پر فروخت کرنے والوں کو بارہ ہزار روپے جرمانہ کیا جبکہ اتفاق کمیشن شاپ جو کہ گھٹیا کوالٹی کے مالٹے پرچون میں 800 روپے کے دو درجن فروخت کر رہا تھا۔

سب سے اچھی کوالٹی کے مالٹے کا ریٹ 365 روپے فی درجن تھا اس جرم پر پانچ ہزار روپے جرمانہ کیا گیا جس پر تمام کمیشن شاپ کے ملازمین اور دیگر دوکاندار اکھٹے ہو گئے اور پرائس مجسٹریٹ کے سخت بد تمیزی کرتے ہوئے گالی گلوچ کی اور سنگین نتائج کی دھمکیاں بھی دیں جبکہ سرکاری ڈرائیور کو دھکے بھی دئیے اور کار سرکار میں مداخلت کی۔

پرائس کنٹرول مجسٹریٹ کی رپورٹ پر ذمہ داران کے خلاف قانونی کارروائی شروع کر دی گئی ہے۔