جہلم: شہر سمیت مضافاتی علاقوں کی آبادی بڑھنے کے ساتھ ساتھ گندگی میں بھی غیر معمولی اضافہ ہونے لگا، شہری غیر ذمہ داری کا مظاہرہ کرتے ہوئے گھروں کی گندگی گلیوں اور خالی پلاٹوں ، نالوں میں پھینکنے میں مصروف ، اندرون شہر اور ملحقہ محلوں میں بیماریاں پھیلنے کا خدشہ لاحق ہیں۔
تفصیلات کے مطابق شہر سمیت ملحقہ آبادیوں میں روز بروز بڑھتی ہوئی آبادی کیوجہ سے شہری غیر ذمہ داری کا مظاہرہ کرتے ہوئے گھروں کی گندگی گلیوں اور خالی پلاٹوں ، نالوں میں پھینک دیتے ہیں جس کیوجہ سے آبادیوں میں گندگی پھیل رہی ہے ، شہریوں کو چاہیے کہ گھروں کی گندگی شہر میں جہاں فلتھ ڈپو قائم ہیں وہاں پھینکیں تا کہ شہری آبادیاں گندگی سے پاک رہ سکیں۔
شہری تنظیموں کے عمائدین نے میونسپل کمیٹی کے ذمہ داران سے مطالبہ کیا ہے کہ شہر سمیت ملحقہ علاقوں کے گلی محلوں میں مزید پختہ فلتھ ڈپو تعمیر کئے جائیں ۔جہاں سے میونسپل کمیٹی کے سینٹری ورکرز روزانہ کی بنیاد پر سے گندگی اٹھانے کے پابند ہوں۔
انہوں نے ایڈمنسٹریٹر میونسپل کمیٹی سے مطالبہ کیا ہے کہ شہر سمیت ملحقہ آبادیوں میں خالی پلاٹس وغیرہ موجود ہیں ان کے مالکان کو خالی پلاٹوں کو چاروں اطراف دیوار یںبنا کر بند کروانے اور صفائی ستھرائی کروانے کا پابند بنایا جائے ایسا نہ کرنے والے مالکان کے خلاف قانونی کارروائی عمل میں لائی جائے ، تاکہ شہری آبادی صاف ستھری ہونے کے ساتھ ساتھ شہری بیماریوں سے محفوظ رہ سکیں۔