جہلم پولیس کے شہداء کی فیملیز اور افسران کے اسپیشل بچوں کے ساتھ آر پی او اور ڈی پی او کی میٹنگ

جہلم: آر پی او راولپنڈی سید خرم علی اور ڈی پی او جہلم ناصر محمود باجوہ نے شہداء پولیس کی فیملیز اور پولیس افسران کے اسپیشل بچوں سے فرداً فرداً ملاقات کی اور ان کے مسائل سنے۔

آر پی او راولپنڈی نے موقعہ پر ان کے مسائل کے حل کے احکامات جاری کیے، میٹنگ کے اختتام پر آر پی او راولپنڈی اور ڈی پی او جہلم نے معزز مہمانوں کے ساتھ مل کر کھانا کھایا۔

ڈی پی او جہلم ناصر محمود باجوہ پولیس افسران کے اسپیشل بچے اور شہداء کے بچے ہمارے بچے ہیں، ان بچوں کے بہتر مستقبل کو روشن و تابناک بنانے کی میں پوری کوشش کروں گا۔

آر پی او راولپنڈی سید خرم علی شہریوں کی جان و مال کی خاطر اپنی جانوں کا نذرانہ پیش کرنے والے ہمارے شہداء ہماری شان اور محکمہ کے ماتھے کا جھومر ہیں، شہداء پولیس کی فیملیز اور اسپیشل بچوں کے مسائل کا حل اولین ترجیح ہے، میرے دفتر کے دروازے ہر وقت آپ کے لیے کھلے ہیں۔