جہلم: ڈی پی او جہلم ناصر محمود باجوہ کی ہدایت پر جہلم پولیس کا قمار بازوں کے خلاف کریک ڈاؤن، 5 قمارباز رنگے ہاتھوں گرفتار، پولیس نے مقدمہ درج کر لیا۔
، تفصیلات کے مطابق ایس ایچ او کالا گجراںاحسان عباس اور ٹیم نے قمار بازوں کے خلاف موثر کارروائی کرتے ہوئے تاش پر جواء کھیلنے والے 5 قمار باز گرفتارکر لیے۔ گرفتار ملزمان میں ذوالفقار، اصغر، ضامن، علی اور عمر شامل ہیں۔
کالا گجراں پولیس نے ملزمان سے داؤ پر لگی رقم 11440 روپے، 3 موبائل فونز اور تاش کے پتے برآمد کر کے ملزمان کے خلاف مقدمہ درج کر لیا۔
ڈی پی او جہلم ناصر محمود باجوہ نے ایس ایچ او کالا گجراں اور ٹیم کو شاباش دی اور کہا کہ قمار بازی معاشرتی برائیوں اور جرائم کی جڑ ہے، قمار بازی کے خلاف کارروائیاں جاری رہیں گی۔