جہلم: ڈی پی او جہلم ناصر محمود باجوہ کی ہدایت پر جہلم پولیس کا قمار بازوں کے خلاف کریک ڈاؤن، 4 قمار باز رنگے ہاتھوں گرفتار، پولیس نے مقدمہ درج کر لیا۔
تفصیلات کے مطابق ایس ایچ او صدربدر منیر اور ٹیم نے قمار بازوں کے خلاف موثر کارروائی کرتے ہوئے تاش پر جواء کھیلنے والے 4 قمار باز گرفتار کر لیے، ملزمان سے داؤ پر لگی رقم 2500 روپے، 5 موبائل فونز اور تاش کے پتے برآمد کر لیے،گرفتار ملزمان میں شمریز، اویس، حسنان اور سبیل شامل ہیں۔
ڈی پی او جہلم ناصر محمود باجوہ نے ایس ایچ او صدر اور ٹیم کو شاباش دی،ڈی پی او جہلم ناصر محمود باجوہ نے کہا کہ قمار بازی معاشرتی برائیوں اور جرائم کی جڑ ہے، قمار بازی کے خلاف کارروائیاں جاری رہیں گی۔