جہلم: ڈی پی او جہلم ناصر محمود باجوہ کی ہدایت پر جہلم پولیس کا قمار بازوں کے خلاف کریک ڈاؤن، ایس ایچ او چوٹالہ اور ان کی ٹیم نے جوئے کی بازی الٹ دی، جواری رنگے ہاتھوں گرفتار کر لئے گئے۔
تفصیلات کے مطابق ایس او چوٹالہ محمد الیاس اور ان کی ٹیم نے کارروائی کرتے ہوئے تاش پر جواء کھیلنے والے 6 قمار باز گرفتار کر لیے،گرفتار ملزمان میں اکرم، شیر افضل، غلام عباس، نوید، ماجد اور ذیشان شامل ہیں۔
ملزمان سے داؤ پر لگی رقم 22 ہزار 900 روپے، 4 موٹر سائیکل، 3 موبائل فونز اور تاش پتے برآمد کر کے مقدمہ درج کر لیا۔
ڈی پی او جہلم ناصر محمود باجوہ نے ایس ایچ او چوٹالہ اور ٹیم کو شاباش دی اور کہا کہ قمار بازی معاشرتی برائیوں اور جرائم کی جڑ ہے، قمار بازی کے خلاف کارروائیاں جاری رہیں گی۔