جرائم پیشہ عناصر کیخلاف موثر انداز میں کریک ڈاؤن میں مزید تیزی لائی جائے۔ آر پی او سید خرم علی

جہلم: ریجنل پولیس آفیسر راولپنڈی ریجن سید خرم علی کا دورہ جہلم، جہلم آمد پر پولیس کے چاق و چوبند دستے نے سلامی پیش کی۔ آر پی او نے پولیس لائنز جہلم میں یادگار شہداء پر حاضری دی اور پھول چڑھانے کے بعد شہداء کے بلند درجات کے لیے دعا کی۔ آر پی او نے پولیس لائنز میں نرسری کا افتتاح کیا اور پودا بھی لگایا۔ آر پی او سید خرم علی نے جہلم کے افسران کے ساتھ کرائم میٹنگ کا انعقاد کیا۔

تفصیلات کے مطابق ریجنل پولیس آفیسر راولپنڈی ریجن سید خرم علی نے ضلع جہلم کا دورہ کیا، جہلم آمد پر ڈی پی او جہلم ڈاکٹر فہد و دیگر افسران نے استقبال کیا۔ آر پی او نے پولیس لائنز جہلم میں یادگار شہداء پر حاضری دی اور پھول چڑھانے کے بعد شہداء کے بلند درجات کے لیے دعا کی۔ آر پی او نے پولیس لائنز میں نرسری کا افتتاح کیا اور پودا بھی لگایا۔

آر پی او نے بعد ازاں ڈی پی او جہلم دفتر میں کرائم میٹنگ کا انعقاد کیا، میٹنگ میں ڈی پی او جہلم ڈاکٹر فہد، ایس پی انوسٹی گیشن جہلم ڈاکٹر انعم فریال، ضلع بھر کے تمام ایس ڈی پی او ز اوز اوایس ایچ اوز نے شرکت کی۔

ڈی پی او جہلم اور ایس پی انوسٹی گیشن نے جرائم کی مجموعی صورتحال اور جرائم پیشہ عناصر کیخلاف جاری آپریشن کے متعلق تفصیلی بریفنگ دی۔

آر پی او نے دوران میٹنگ شرکاء کو ہدایات جاری کرتے ہوئے کہاکہ جرائم پیشہ عناصر کیخلاف موثر انداز میں کریک ڈاؤن میں مزید تیزی لائی جائے،سنگین مقدمات کی تفتیش سپروائزری افسران اپنی نگرانی میں عمل میں لاتے ہوئے جلد یکسو کریں۔

انہوں نے کہا کہ منشیات فروشوں کیخلاف جاری آپریشن میں مزید تیزی لائی جائے،تمام اہم تنصیبات کی سیکورٹی کا ازسرنو جائزہ لیتے ہوئے اضافی نفری لگائی جائے،تمام افسران اپنے علاقہ میں موثر گشت کو یقینی بناتے ہوئے سرپرائز چیکنگ کو یقینی بنائیں،ون ویلنگ، ہوائی فائرنگ، پتنگ فروشوں اور پتنگ بازی میں ملوث عناصر کیخلاف موثر کارروائی عمل میں لائیں۔

آر پی او سید خرم علی نے مزید کہا کہ تھانہ کی سطح پر عوام الناس کو فوری انصاف کی فراہمی، میرٹ اور قانون کی بالادستی سمیت بہترین سروس ڈیلیوری کو ہر صورت یقینی بنایا جائے۔

آر پی او راولپنڈی ریجن سید خرم علی نے کہا کہ جرائم پیشہ عناصر کیخلاف موثر کریک ڈاؤن اور تمام اہم تنصیبات کی سیکورٹی کا ازسرنو جائزہ لیتے ہوئے اقدامات کیے جائیں۔تھانہ کی سطح پر عوام الناس کو فوری انصاف کی فراہمی، میرٹ اور قانون کی بالادستی سمیت بہترین سروس ڈیلیوری کو ہر صورت یقینی بنایا جائے۔