ضلع جہلم کے یوٹیلیٹی اسٹورز پر متعدد اشیائے ضروریہ کی قیمتوں میں اضافہ

جہلم: شہر سمیت ضلع بھر میں قائم یوٹیلیٹی سٹورز پر مصالحے ، نمک ، صابق ، مشروبات، شو پالش، مزید مہنگے، ٹوتھ پیسٹ ، ٹائلٹ کلینر، شوپالش ، نمک ، اچار، بھی مہنگے۔ مختلف برانڈز کے مصالحہ جات، کپڑے و برتن دھونے کا سرف اور صابن سمیت دیگ اشیاء کی قیمتیں بڑھا دی گئیں۔ضلع بھرکے یوٹیلیٹی اسٹورز پر متعدد اشیائے ضروریہ کی قیمتوں میں اضافہ کردیا گیا ہے اور اس حوالے سے عملدرآمد بھی شروع کر دیا گیا ہے۔

تفصیلات کے مطابق شہر سمیت ضلع بھر میں قائم یوٹیلیٹی اسٹورز پر مختلف برانڈز کے مصالحے، نمک، اچار، شو پالش، کپڑے و برتن دھونے کا سرف اور صابن، مشروبات، ٹوتھ پیسٹ اور کسٹرڈ کی قیمتوں میں بھی اضافہ کردیا گیا ہے۔

جاری کردہ نوٹیفکیشن کے مطابق یوٹیلیٹی اسٹورز پر ٹوتھ پیسٹ کی قیمت میں 20 روپے، ٹوائلٹ کلینر کی قیمت میں17 روپے، جوتوں کی پالش 35 اور کیچپ 30 روپے تک مہنگی کر دی گئیں۔نوٹیفکیشن میں بتایا گیا ہے کہ دودھ کا ڈبہ 40 روپے، نوڈلز کی قیمت میں 35 روپے، مشروبات 60 روپے اور بادام کے آئل کی قیمت 20 روپے تک بڑھا دی گئی ہے، جب کہ میکرونی 45 اور چلی گارلگ سارس 40 روپے تک مہنگی کر دی گئی ہے۔

نوٹیفکیشن کے مطابق بریانی مصالحہ 10 روپے، اچار کی قیمت میں 87 روپے، نمک 20 روپے اور نمکو کی قیمت میں 5 روپے تک کا اضافہ کیا گیا ہے، جب کہ فروٹ جام 45 روپے، کریم 40 روپے اور باڈی لوشن 80 روپے تک مزید مہنگا کردیاگیا ہے۔