منگلا: آرمی چیف جنرل قمر جاوید باجوہ نے مختلف فارمیشنز کے الوداعی دوروں کے ایک حصے کے طور پرمنگلا گیریژن کا دورہ کیا۔
آئی ایس پی آر کے مطابق آرمی چیف جنرل قمر جاوید باجوہ نے افسران اور جوانوں سے ملاقات کی اور فوجیوں سے خطاب کیا۔
آئی ایس پی آر کے مطابق آرمی چیف جنرل قمر جاوید باجوہ نے مختلف آپریشنز، تربیت اور قدرتی آفات کے دوران بہترین کارکردگی پر فارمیشنز کو سراہا۔ آرمی چیف جنرل قمر جاوید باجوہ نے فوجیوں کو مشورہ دیا کہ وہ حالات جیسے بھی ہوں اسی جذبے اور عزم کے ساتھ قوم کی خدمت کرتے رہیں۔
قبل ازیں منگلا پہنچنے پر آرمی چیف جنرل قمر جاوید باجوہ کا استقبال لیفٹیننٹ جنرل ایمن بلال صفدر نے کیا۔