دینہ سے تعلق رکھنے والے 34 سالہ چوہدری مبشر احمد سلاؤ سے دوسری بار کونسلر منتخب

دینہ/ سلاؤ: دینہ سے تعلق رکھنے والےچوہدری مبشر احمد نے برطانیہ کے شہر سلاؤ ویکسم کورٹ پیرش سے دوسری بار کونسلر کا الیکشن بھاری اکثریت سے جیت کر 4 سال کے لیے کونسلر منتخب، 34 سالہ چوہدری مبشر احمد نے آزاد حیثیت سے الیکشن میں حصہ لیا اور کامیابی حاصل کر لی۔

تفصیلات کے مطابق دینہ کے نواحی علاقہ پرانا مہتہ سے تعلق رکھنے والے چوہدری مبشر احمد نے برطانیہ کے شہر سلاؤ میں ویکسم کورٹ پیرش سے دوسری بار کونسلر کا الیکشن جیت کر 4سال کے لیے کونسلر منتخب ہو گئے، چوہدری مبشر احمد کی جیت کا اعلان ہوتے ہی ویکسم کورٹ پیرش میں جشن کا سماں ہے۔

چوہدری مبشر احمد کا کہنا ہے کہ پاکستانی سمیت وہاں کے مقیم لوگوں کی دعاؤں سے اللہ پاک نے مجھے کامیابی عطا کی ہے، دوسری بار کونسلر کا الیکشن جیت کر اپنے علاقے کا نام روشن کیا، انشاءاللہ پہلے سے بڑھ کر ویکسم کورٹ پیرش میں مسلمان بھائیوں کے مسائل کو حل کروں گا، اپنے حلقے کے ہر فرد کا شکر گزار ہوں جنہوں نے مجھے اس قابل سمجھا۔

چوہدری مبشر احمد کا کہنا ہے کہ پچھلے 2 سال سے میں الیکشن جیت کر اپنے حلقے کے لوگوں کی خدمت کر رہا ہوں، اللہ تعالیٰ نے دوبارہ خدمت کا موقع دیا ہے بہت جلد پاکستان میں اپنے آبائی گھر پرانا مہتہ دینہ کا دورہ کروں گا۔