پنڈدادنخان نے کچے کا روپ دھار لیا، 5 ڈاکوؤں کی اسلحہ کے نوک پر لوٹ مار، تشدد سے 3 افراد زخمی

پنڈدادنخان: تحصیل پنڈدادنخان نے کچے کا روپ دھارلیا، روزانہ کی بنیاد پر ڈکیتی کی وارداتیں جاری، 5 ڈاکوؤں کی اسلحہ کے نوک پر لوٹ مار،تشدد سے 3 افراد زخمی، شہری خوف و حراس میں مبتلا ،علاقہ مکینوں نے آئی جی پنجاب سے نوٹس لینے کا مطالبہ کردیا۔

تفصیلات کے مطابق تھانہ لِلہ کے علاقہ اتھر نے بھی کچے کاروپ دھار لیا۔ ایک اورمسلح ڈکیتی کی واردات ، 5 نامعلوم مسلح ڈاکوؤں کی اسلحہ کی نوک پر لوٹ مار اہل خانہ کو وحشیانہ تشدد کا نشانہ بنایا گیا، علاقہ میں خوف و حراس کی فضاءقائم ہے۔

5 نامعلوم مسلح افراد نے تھانہ لِلہ کے علاقہ اتھر کے رہائشی مطلوب بلوچ کے ڈیرے پر اسلحہ کے زور پر 25 ہزار روپے نقدی، موبائل فون ،لائسنسی رائفل سمیت گھریلو سامان لوٹ لیا، اہل خانہ پر شدید تشدد کے بعد نامعلوم ڈاکو فرار ہونے میں کامیاب ہو گئے، ڈاکوؤں کے تشدد سے محمد اسحاق سمیت 3 افراد شدید زخمی ہوگئے افسوسناک واقعہ گزشتہ شب پیش آیا۔

تھانہ لِلہ کے علاقہ ا تھرمیں مسلح ڈکیتی کی یہ دوسری بڑی واردات ہے، چندروز قبل احمد آباد روڈ پر نامعلوم مسلح افراد نے ڈکیتی کی دوران مزاحمت پر فائرنگ کر کے 1 شخص کو زخمی کر دیا تھا، سماجی حلقوں نے آئی جی پنجاب سے اصلاح حال کا مطالبہ کیا ہے۔