دینہ: ایس ایس پی پنجاب ہا ئی وے پٹرول محمد بن اشرف کی ہدایت پر اور ڈی ایس پی پنجاب ہائی وے پٹرول رضا اللہ خان کی زیر نگرانی انچارج پٹرولنگ پوسٹ چک اکا اور ہمراہ ٹیم نے ماہ اکتوبر کے دوران شاندار کارکردگی کا مظاہرہ کیا۔
مجرمان اشتہاری اور عدالتی مفروران کے خلاف کارروائی کرتے ہوئے 3 مجرمان کو گرفتار کر کے پابند سلاسل کیا گیا۔ غفلت اور لا پر واہی اوور لوڈ گاڑی چلانے والے ڈرائیوران کے خلاف کارروائی کرتے ہوئے 3 مقدمہ درج کرایا جبکہ موٹر سائیکل اور گاڑیوں پر جعلی اور بوگس نمبر پلیٹ لگانے والے ڈرائیوروں کے خلاف کارروائی کرتے ہوئے 3 مقدمہ درج کرایا گیا اور دوران سفر عوام الناس کو پیش آنے والی مشکلات کو حل کرنے کیلیے افراد کی مدد کی گئی۔
میڈیا سے بات کرتے ہوئے پوسٹ انچارج پنجاب ہائی وے پٹرولنگ پوسٹ چک اکا سب انسپکٹر سلطان عارف رضا نے کہا کہ کارگردگی کو مزید بہتر بنایا جائے اور دوران عوام الناس کے سفر کو محفوظ بنانا اور ان کے جان و مال کو محفوظ بنانا پٹرولنگ پولیس کی اولین ترجیح ہونی چاہیے۔ نیز جرائم پیشہ افراد کے خلاف زیادہ سے زیادہ کارروائی کر کے ان کو کیفر کردار تک پہنچایا جائے گا۔