دینہ: ڈپٹی کمشنر جہلم کیپٹن(ر) سمیع اللہ فاروق کا گورنمنٹ گرلز سکول چک اکا کا دورہ، اساتذہ کی حاضری اور طالبات کو دستیاب سہولتوں کا جائزہ لیا۔
تفصیلات کے مطابق ڈپٹی کمشنر جہلم کیپٹن (ر) سمیع اللہ فاروق نے صبح سویرے گورنمنٹ گرلز سکول چک اکا کا دورہ کیا جہاں انہوں نے سکول کے اساتذہ کی حاضری چیک کی اور طالبات کیلئے ضروری سہولیات کا بھی جائزہ لیا۔
انہوں نے مختلف کلاس رومز میں جا کر طالبات سے تعلیمی سرگرمیوں بارے آگاہی حاصل کی۔
اس موقع پر ڈپٹی کمشنر جہلم نے سکول پرنسپل سے گفتگو کرتے ہوئے کہا کہ محکمہ تعلیم کی جانب سے سکولوں میں بنیادی سہولیات فراہم کرنے کیلئے مکمل فنڈز دستیاب ہیں اس سلسلہ میں کسی قسم کی کمی درپیش نہیں آنی چاہئے، لاپرواہی اور غفلت پر سخت کارروائی کی جائے گی۔