دینہ کے قریب جی ٹی روڈ پر مسافروں سے بھری بس اوورٹیک کرتے ہوئے گاڑی ڈرائیور سے بے قابو ہو کر جی ٹی روڈ پر الٹ گئی، بس ڈرائیور جاں بحق جبکہ 3 بچوں سمیت 8 افراد شدید زخمی، اطلاع ملتے ہی ریسکیو 1122 موقع پر پہنچ گئی اور زخمیوں کو طبی امداد کے بعد ہسپتال منتقل کیا۔
تفصیلات کے مطابق دینہ کے قریب جی ٹی روڈ پر راولپنڈی سے سیالکوٹ جانے والی مسافروں سے بھری بس ہائی ایس کو اوورٹیک کرتے ہوئے بس ڈرائیور سے بے قابو ہو کر جی ٹی روڈ پر الٹ گئی، اطلاع ملتے ہی ریسکیو 1122 موقع پر پہنچ گئی اور زخمیوں کو طبی امداد کے بعد ہسپتال منتقل کیا جبکہ حادثہ میں بس ڈرائیور شمریز بیگ ولد خالد پرویز سکنہ گجرات جاں بحق ہو گیا۔
زخمیوں میں صائمہ، 7سالہ بچی ستائش، فلک شیر ولد سرور ، سحر زوجہ مجتبیٰ، صوبیہ زوجہ غلام مرتضیٰ ، محمد خان ولد خان غلام ، 5سالہ بچی انا ، 12سالہ بچی سلوا شامل ہیں۔