دینہ: ایس ایچ او دینہ عمران عباس اور ٹیم کی اہم کارروائیاں،والدہ پر تشدد کرنے والے ناخلف بیٹے سمیت منشیات فروش ملزم اور آٹا سمگل کرنے والا ملزم گرفتار، پولیس نے مقدمات درج کر لئے۔
تفصیلات کے مطابق مدعیہ مقدمہ ولدہ نے بتایا کہ میرے بیٹے امجد نے مجھ پر تشدد اور زدو کوب کیا اور گھر سے نکال دیا، ایس ایچ او دینہ نے والدہ کی درخواست پر والدین تحفظ آرڈیننس کے تحت فوری مقدمہ درج کر کے ملزم کامران کو گرفتار کر لیا۔
ایک اور اہم کارروائی میں ایس ایچ دینہ اور ٹیم نے منشیات فروش ملزم عمران کو گرفتار کر لیا،ملزم کے قبضہ سے 2 کلو چرس برآمد کر لی گئی۔
تیسری کارروائی میں آٹا سمگل کرنے والے ملزم نکاش کو گرفتار کر لیا،ملزم کے قبضہ سے 1050 تھیلہ آٹا، 10 تھیلہ سوجی اور 10 تھیلہ میدہ برآمد کر لیا گیا، ملزم آٹا سمگل کر کے پنجاب سے کے پی کے لے جا رہا تھا،گرفتار ملزمان کے خلاف مقدمات درج کر لیے گئے۔
ڈی پی او جہلم ناصر محمود باجوہ نے کہا کہ جہلم پولیس شہریوں کی حفاظت اور قانون کی عملداری کے لیے ہمہ تن مصروف عمل ہے، ڈی پی او جہلم نے ایس ایچ او دینہ اور ٹیم کو اہم کارروائیاں کرنے پر شاباش بھی دی۔